حلوى الكويغطات بالليمون (مادلين)

حلوى الكويغطات بالليمون (مادلين) مجربة 100/100

المقادير:

4 بيضات
2 كيسان زيت (كاس العنبة او غراف ديال ضانون)
كاس ونص سنيدة
2 خميرات حمرين
1 ملعقة صغيرة مُحَسِنْ
1 كاس عصير الليمون
1 خميرة بيضاء (فاني)
4 كيسان دقيق فورص
للتزين شكلاط مقطع طريفات صغار

الطريقة :

ناخذو البيض انتربوه مع حبات الملحة + سنيدة+ فاني + زيت + عصير الليمون + دقيق + خميرة + محسن انخلطو جميع المقادير من بعد انديرو الخليط بملعقة كبيرة في الكويغطات ما انعمروهومش باش ما ايفيضو لينا انديرو الشكلاط فوق منهم او اندخلوهوم للفران مسخن من قبل. (20دقيقة ديال الطياب في الفران)

ملاحظة هامةاعطيها فقط لاعضاء منتدانا الحبيب:

1 -الى بغيتو الحلوى اتنفخ اول حاجة خلطو الدقيق مع الخميرة او المحسن او غربلوهم
2 - ما اتحلوش الفران حتى دوز 15دقيقة
3 - خاص سنيدة اذوب مزيان مع البيض الى بقات حبوب كتجي الحلوى قاسحة

هذه هي الصور النهائية اتمنى ان تكونو استفدتم